“Do të jem kudo!” Ilir Meta tregon skenarin e tij ditën e sotme: Jam në kontakt me trupin diplomatik

Presidenti i Republikës Ilir Meta, në një intervistë për ABC i ka bërë thirrje të gjithë qytetarëve të votojnë të lirë.

“Sot të gjithë janë të barabartë, nga presidenti deri tek shqiptari më i thjeshtë. Sot duhet të kuptojnë se fuqia është e qytetarëve”, – tha Meta.

Ai gjithashtu tha se është në kontakt të vazhdueshme me trupin diplomatik.

“Mezi presin që Shqipëria t’i tregojë mbarë botës që ka një popull evropian”, – theksoi Meta.

Sa i përket mesazheve të tij shpeshherë të ashpra tha se kanë qenë për kriminelët, ndërsa shtoi se “Kam qenë jam dhe do të jem gjithmonë me kushtetutën dhe popullin e Shqipërisë”, – tha më tej Meta.

Ai gjithashtu tregon se kur votoi bëri shenjën e fitores, ndërsa tha se kjo është shenja e fitores të cilët e ka bërë që nga dy marsi.

“Sot do të jem kudo online”, – përfundoi presidenti.