Kryeministri Edi Rama me anë të një deklarate për mediat, është shprehur se është i bindur që do të arrijë votat e nevojshme për të miratuar edhe marrëveshjen e 5 qershorit si dhe ndryshimet kushtetuese.
I pyetur nëse PS do ti miratoi 30 ndryshimet kushtetuese pavarësisht qëndrimit të PD, ai tha:
“Parlamenti ka të drejtë të vendosë për gjithçka. Uroj që nesër të mblidhemi me Këshillin Politik. E kam shprehur dëshirën time, i kam thënë Damianit që jam gati që nesër. Do të vazhdojmë të diskutojmë. Marrëveshja e nënshkruar sot dhe më 5 qershor duhet të kthehen në materie ligjore. Ka një arsye pse u zgjodh 23 korriku, sepse nuk kemi kohë. Duhet kohë që e kemi humbur prej PD-së.
Pra duhet të ngrihet edhe KQZ-ja e re. Ne do t’i qëndrojmë marrëveshjes por ndryshimet duan kohën e tyre. Pastaj ja sheshi, ja mejdani. Jo unë po kushdo që pretendon që të bëhet Kapedan. I bëj apel Lulzim Bashës që të mos bëjnë gabimet e të shkuarës që të mos refuzojnë tryezat dhe të vazhdojmë punën se bashku. Nuk jemi të detyryar të biem dakord për të gjitha. Kemi mundësi që të biem dakord për shumëçka. PS ka bërë lëshimet e veta. I ka qëndruar një procesi që realitetin politik. E gjitha zhvillohet në sytë e popullit shqiptar. E kam thënë shumë herë kush i merr shqiptarët për budallenj, e ha.”, tha Rama.
Diskutime rreth kësaj post