Deputeti, Ralf Gjoni u shpreh në emisionin “45 Minuta” se beteja e tij edhe për vitin që po vjen do të jetë reforma zgjedhore. Ai tha se edhe amerikanët do të jenë më aktivë në 2020 për të kërkuar ndryshimin e sistemit zgjedhor, pasi e kuptojnë se pika e dobët është parlamenti dhe kështu qeveria përfiton për të mos dhënë llogari.
“Në të gjithë jemi rebelë nga natyra, por të 39 deputetë e rinj në Kuvend duan një sistem të ri zgjedhor. Nuk do të pranojmë asnjë draft të PS-së nëse nuk është dakordësuar më parë me ne, për sistemin zgjedhor, listat e hapura, që nuk i negociojmë, apo rekomandimet e OSBE-ja. Ne kemi kushtëzuar hyrjen në komision me ndryshimin e sistemit zgjedhor. PS-së nuk ia ka qejfi të ndryshojë listat, pasi së bashku me kryetarin e PD-së, që janë pronarët e partive duan ti mbajnë si kamxhik. Keni veto bllokuese? Asnjë gjë nuk shkon në seancë pa kaluar në komision. Nëse ne nuk japim ok-ejn për draftin, nuk shkon në seancë. A mundet që Rama ta hedhë në votim pa kaluar në komision?
Teknikisht e bën, por nuk besoj se ka interes. Nëse Rama dhe Basha duan ta shpallin monarki dhe ta ndajnë 50 me 50 e bëjnë. Nëse do Rama mund të ndërtojë edhe anijen kozmike me 84 vota….nëse ecim me fantazinë e tij. Nuk qëndroj më në sallë kur flet Rama, sepse flet broçkulla, nëpërkëmb dhe tall opozitën. Bajraktar si mbret i rajonit. Nëse dikush ka luajtur nga trutë e kokës sikur ka në dorë Parisin, Berlinin apo Uashingtonin. Në momentin që e shoh se ky nuk është serioz, nuk mund të rri. Kontaktet me individë të caktuar jashtë parlamentit nuk kanë munguar. Do ja dëgjoni zërin amerikanëve më shumë vitin që vjen për reformën zgjedhore, pasi ata e kuptojnë ku qëndron djalli, te vota. Parlamenti është shumë i dobët” tha ai.
Diskutime rreth kësaj post