Pas humbjes 2-0 me Izraelin, trajneri i kuqezinjve, Christian Panucci, u shfaq i mërzitur me rezultatin, i cili sipas tij nuk iu përgjigj lojës së zhvilluar.
Pse humbëm?
Më vjen keq për djemtë, bëmë një ndeshje të jashtëzakonshme. Morëm një gol nga goditja e portierit, dhe kjo është e rëndë. Edhe më pas morëm një tip autogoli. Të kthehesh me një humbje të tillë, të bën të ndihesh keq.
Ku ishin mbrojtësit?
Ishte një top i gjatë, dhe mbrojtësit po flinin në atë moment.
Çfarë luajmë ndaj Skocisë?
Është e vështirë të fitosh 3-0, dhe pastaj që Skocia të mundë Izraelin, e më pas do jemi me pikë të barabarta. Ne ndërkohë, jemi jashtë.
Dukeni i dorëzuar?
Nuk jemi dorëzuar, por duke humbur kështu, bëhet shumë e vështirë.
Shqipëria më e mirë me Lilajn se me Bashën?
Nuk më pëlqen që përmendi emra, ka qenë një skuadër e madhe.
Diskutime rreth kësaj post