Partia Demokratike ka vendosur unanimisht djegien e mandateve të deputetëve dhe kreu i saj, Lulzim Basha deklaroi pas mbledhjes së Këshillit Kombëtar të PD se ky nuk ishte një vendim i lehtë, por se ishte veprimi i fundit që pati në dorë. Kjo ka sjellë mjaft reagime, mes të cilëve edhe ish zv. ministri i Arsimit, Taulant Muka.
Ai shkruan: “Nuk më vjen keq aspak për atë që po dhe do i ndodhë Edi Ramës, por më vjen keq për Shqipërinë dhe shqiptarët për personat që do ju lërë ti drejtojnë pas largimit të tij! Lidershipi nuk lidhet me zgjedhjet e radhës, por me përgatitjen e gjeneratës së re! Rama, edhe në këto momente të thella krize, vazhdon të ujisë dhe promovojë lule që tashmë kanë vdekur”, përfundon Muka në statusin e tij në Facebook. /Lajme.al
Diskutime rreth kësaj post