Djali i Bledi Çuçit në hetimet italiane, Mero Baze jep detaje: Shkoi të takonte gjyshen, ndërroi jetë në spital dhe e sollën në Shqipëri

Gazetari Mero Baze, zbulon detaje nga dalja e emrit të djalit të ministrit të Brendshëm Bledi Çuçi, në dokumentet e Gjykatës së Milanos, ai thotë se djali i ministrit ka shkaur në vendin fiqnj për të takuar gjyshen e sëmurë , e cila më pas dhe ka ndërruar jetë.

Duke qenë se ishte periudha e pandemisë dhe udhëtimet ishin të bllokuara, djali i Ministrit ka marrë një autorizim nga mjeku Italian, në mënyrë që të udhëtonte.

“Ka shkuar të takojë dy herë gjyshen e sëmurë, një herë kur ishte sëmurë dhe një herë për ta marrë , bashkë me nënën e tij”, shkruan Baze.

Më tej, ai tregon se në të dyja rastet Endi Çuçi, për shkak të pandemisë duhej të kishte një konfirmim nga pala italiane dhe e ka marrë.

“Mjeku italian që e ka dhënë ka qenë objekt përgjimi, por në këtë rast nuk ka bërë ndonjë gabim. As ka marrë para për vërtetimin, as ka gënjyer. Kaq është e gjithë historia. Nëse do sillej si djali i ministrit të Brendshëm, mund të kalonte në Rinas dhe pa atë letër, por e ka kërkuar, se ka dashur të udhëtonte si qytetar i rregullt”, vijon gazetari.

“Rasti djalit të Bledi Çucit, në të vërtetë jo vetëm që nuk është rast korruptiv, por përkundrazi është rast që dëshmon se si një djalë Ministri që shkon të takojë gjyshen e sëmurë në Itali, përpiqet të jetë në rregull me letrat formale kufitare që duheshin gjatë mbylljes. Po të ishte djali i Sali Berishës në pushtet do kishte ikur me çarter, pa kaluar fare nga kontrolli kufitar, siç kalonte kur ishte në pushtet. Nëse spitali italian që lëshonte vërtetimet ka qenë nën hetime dhe përgjime, ky nuk është problem i njerëzve në nevojë që kanë kontaktuar spitalin. Siç e provon dhe hetimi, ata as kanë paguar dhe as kanë mashtruar për rastin. Gjyshja e djalit ka ndërruar jetë në spital dhe është sjellur në Shqipëri. Kaq ka ndodhur.

Kujdesi i Sali Berishës për të treguar që familja e Bledi Çuçit është e ndarë, pasi djali është me martesën e parë, tregon po ashtu makthet e njëjta që ka në familje. Por nuk është krim që djali jeton në një familje të ndarë me nënën e tij. Më kirm do ishte një familje e bashkuar si kjo e Sali Berishës, nën diçiturën “non grata” për bashkë me familjarët”. Atë fat mos e pastë kush. Familjarisht si hajdutë”, shkruan Mero Baze.