Ish-presidenti Bamir Topi, ka komentuar çështjen e kufirit detar që do të dërgohet në Gjykatën e Hagës për të gjetur një zgjidhje. Topi tha se tha se këtë vendim nuk e quan si tradhti, por si paaftësi dhe dështim të qeverisë.
“Personalisht nuk kam arsye ta konsideroj tradhti, pasi nuk është e tillë. Në analizën time dorëzimi i çështjes së Detit në Gjykatën e Hagës, dëshmon së pari, një paaftësi e dështim të dukshëm në planin politik të qeverisë shqiptare, e cila thuajse nuk negocioi asnjëherë me qeverinë e z. Micotaqis dhe më shumë bëri reality shoë me përfaqësuesit e qeverisë së majtë të Ciprasit”, u shpreh ai për “Telegraf”.
Topi theksoi se ky është një vendim personal i kryeministrit Edi Rama dhe jo i Presidentit dhe Kuvendit, ndaj e cilëson si shkelje kushtetuese.
“Si rezultat kemi një vendim personal të Kryeministrit dhe jo të Kuvendit e Presidentit për ta çuar në Hagë. Kjo gjë jo vetëm përbën shkelje kushtetuese por e çon Shqipërinë pa një zë të unifikuar e cila lexohet nga jashtë Shqipërisë si pikë e dobët”, nënvizoi ai.
Diskutime rreth kësaj post