Pas dëmtimit të zyrave të PS në Fier ka reaguar përfaqësuesi politik i Partisë Socialiste. Në një deklaratë për mediat Aljosha Doko, bashkëkryetar i shtabit të Partisë Socialiste tek lagjja 1 Maji ka thënë se dhunimi i zyrës elektorale në këtë qytet është bërë nga forca politike që kërkojnë destabilitet. Ai nuk përmendi emra teksa shtoi që i takon ligjit të hetojë dhe zbulojë autorët e këtij akti.
“Është dëshmi e qartë se çfarë ofrojnë këto forca. Qyteti i Fierit kërkon paqe dhe bashkëpunim. Ne jemi qytetarë dhe kërkojmë të shkojmë drejt Evopës. PS është parti që kërkon prosperitet dhe zhvillim, ne jemi popullit që duhet të votojmë me qetësi dhe tolerancë.
Kjo që ka ndodhur sot tregon edhe njëherë se këto forca kërkojnë destabilitet. Ne nuk i vendosim dot emra se kush janë këto forca, por i takon ligjit që ta zbulojmë. Kjo është një lojë për të hequr vëmendjen, ne jemi qytetarë dhe nuk bëhemi pjesë e kësaj loje”, – tha përfaqësuesi i PS.
Diskutime rreth kësaj post