Ish-kreu i PD-së në Gjirokastër, Roland Bejko ka komentuar 4 kandidaturat që synojnë të zënë postin e kryetarit të përgjithshëm të kësaj partie.
“Gara në Partinë Demokratike duhet të jetë e drejtë, transparente dhe e barabartë”, – tha Bejko për emisionin “Breaking”.
Teksa komentonte zgjedhjet që do të mbahen brenda PD, Bejko tha se PD është një parti e hapur dhe e ka të nevojshme të rrisë besimin e të gjithë faktorëve.
I pyetur nëse ishte një surprizë kandidatura e Agron Shehajt, ai tha: “Është një figurë simpatike, person i realizuar. Një kandidaturë e mirë dhe dinjitoze përballë Bashës, por ende nuk është shumë i njohur. Nuk kam një përshtypje personale për të”, – tha Bejko.
Ndërsa i pyetur nëse do të ishin zgjedhjet për kryetar partie më të barabarta nëse Basha do jepte dorëheqjen, Bejko tha: “Dje zoti Basha nuk mori pjesë në mbledhjen e kryesisë, e kjo ishte një gjë e mirë. Do doja që Basha të mos implikohet në zgjedhje. Kryetari është një figurë e rëndësishme për partinë, por më e rëndësishme është procesi dhe anëtarët e saj”.
Gjithashtu Bejko komentoi të katër kandidaturat që janë për kryetarin e Partisë Demokratike.
“Kam respekt për të katër kandidaturat, kanë gjëra të përbashkëta dhe të kundërta. Do rrimë të presim ditën kur do të prezantojnë platformën e tyre. Do përkrah atë që do më bindi se ka një ide të qartë se çfarë do bëjë për PD-në.
Basha e njeh mirë partinë, ka oratorinë, e di ku ka gabuar e këtu do nisë korrigjimin. Edit’h Harxhi është një zonjë ambicioze që njeh mirë marrëdhëniet ndërkombëtare. Ka bërë një përpjekje për demokratizimin e Partisë Demokratike. Kadilli është një organizatori i mirë, e njeh mirë partinë, e di çfarë do partia. Shehaj vjen nga bota e biznesit”, – tha Bejko.
Diskutime rreth kësaj post