Bledi Çuçi ia ka deleguar punët e Ministrisë së Brendshme zëvendës ministrit, Besfort Lamallari. Sipas Çuçit, arsyeja e këtij vendimi është për t’u angazhuar plotësisht në fushatën zgjedhore.
“Kur nuk je në zyrë, ia delegon detyrën njërit nga zv.ministrave. Jam ministër nga pikëpamja kushtetuese, kam deleguar firmën, por ruaj të drejtën të firmos sa herë të jetë e nevojshme”.- tha ai i ftuar në emisionin “Top Talk”.
Sipas tij, ky është qëndrim etik.
“Nuk dua të bëj sikur jam edhe në zyrë, edhe në Gjirokastër. Do të merrem me fushatën, le të bëjnë punën ata që janë në zyrë” – shtoi ministri.
Çuçi është kandidat i Partisë Socialiste në Gjirokastër dhe thotë se do të komunikojë me votuesit për t’i bindur të votojnë.
Diskutime rreth kësaj post