Kreu i qeverisë, Edi Rama thekson se Meta është në vorbullën e një përçartje shqetësuese. Mes të tjerash Rama tha se shpreson që kreu i shtetit të mbajë fjalën për dorëheqjen e tij nga ky post.
Pjesë nga intervista:
Pyetja: A keni një koment për deklaratat e Presidentit për zgjedhjet. Thotë se do të mbrojë çdo votë, ekipe të Presidencës do të jenë në çdo qendër votimi…?
Rama: Ilir Meta na ka lënë. Ilir Meta nuk i përket më kësaj bote në sensin e botës së njerëzve normal që me gjithë ekseset e tyre qëndrojnë prapë brenda një kornize normaliteti dhe në nivelet e lajthitjeje. Kemi një nivel të parë lajthitje që është lajthitja e Lulit që infekton njerëz, kemi pastaj një tjetër nivel lajthitjeje që është lajthitja e Ilir Metës që është futur në vorbullën e një përçartjeje që është realisht shumë shqetësuese. Është shqetësuese për faktin që Shqipëria nuk ka më President, s’ka më garant të institucioneve dhe s’ka më garant të kushtetutës.
S’ka më faktikisht asgjë në atë zyrë përveçse një njeriu të tërbuar i cili nuk di më se çfarë flet, nuk di më se çfarë kërkon. Unë shpresoj, dhe nuk e kam një shpresë të fortë, që Ilir Meta të iki dhe të japë dorëheqjen pas zgjedhjeve kur në të fitojmë zgjedhjet ashtu sikundër e ka deklaruar. Zgjedhjet ne 25 Prill janë ndër të tjera dhe një zgjedhje e qartë midis drejtësisë dhe Ilir Metës, kështu që kush do të votojë në 25 Prill për Partinë Socialiste do të japë një kontribut të rëndësishëm edhe për të çliruar Presidencën nga Ilir Meta.
Diskutime rreth kësaj post