Debate të ashpra në mbledhjen e PD-së, zbardhet vendimi i papritur i Alibeajt dhe deputetëve të pranishëm për zgjedhjen e Presidentit të ri

Enkelejd Alibeaj ka mbledhur sot grupin parlamentar për të diskutuar për zgjedhjen e Presidentit të ri të vendit.

Media kanë zbardhur qëndrimin e Alibeajt për këtë proces.

“Sugjeroj që s’ka asnjë arsye të marrim pjesë. Ata thyen marrëveshjen.”, tha Alibeaj.

Siç duket të njëjtin qëndrim kanë mbajtur deputetët Gazmend Bardhi dhe Jorida Tabaku.

“Rama do ta vendosë vetë Presidentin. Ne mbajtëm qëndrim korrekt. Tani e pas s’kemi asnjë arsye të vazhdojmë. Duhet t’i japim fund pjesëmarrjes tone ne procesin e zgjedhjes se Presidentit.”, tha Bardhi. Ndërkohë, Tabaku shtoi se qëndrimi i grupi ishte dinjitoz.

“Grupi diskutoi dhe mbajti një qëndrim dinjitoz. Ne u qëndrojmë parimeve. Rama tregoi qe edhe këtë here nuk ju qëndron marrëveshjeve”, tha ajo.