Dashamir Shehi nxjerr ‘planin’ e Ramës në 25 Prill: Kjo është e rëndë

Kreu i LZHK-së, Dashamir Shehi ka komentuar vendimin e Kolegjit Zgjedhor që kandidatët në fletën e votimit të jenë me numra dhe jo me emra.

Shehi u shpreh se ky vendim është një shejtanllëk i Partisë Socialiste të Edi Ramës dhe një përpjekje për të fshehur kandidatët anonimë pas numrave.

“Për mua është një gabim i madh vendimii i Kolegjit Zgjedhor që fleta e votimit të jetë me numra, e të mos jenë emrat. Është një shkelje e asaj pak lirie që u hap me votimin e ri, me idenë që ajo pak listë që do ishte e hapur të vlerësohej për shkak të emrit të kandidatit.

Listat me numra janë një shejntanllik i PS dhe Edi Ramës që ju bëjnë presion organeve, me idenë se lista e gjatë, ka vonesa në qëndrat e votimit, duke rrezikuar përhapjen e Covid. Rama nuk ka besim tek lista e vet, emrat e majtës janë shërbëtorët të Edi Ramës, ata e meritojnë të jenë numra.

Politika ka një piramidë të vetën, kjo na penalizon të gjithëve, pasi kemi investuar për emrin në politikë. Kjo që u bë është një shkelje e rëndë e demokracicë, tregon se Rama ndërhyn kudo ku është e manovrueshme”, – tha Shehi.