Dalin përgjigjet e provimit të Matematikës, 234 maturantë shkëlqejnë me notën 10, në Gjuhë-Letërsi vetëm 4 ekselentë

Janë publikuar notat e provimit të Matematikës të maturës shtetërore, ku bëhet me dije se 234 maturantë kanë marrë notën maksimale 10.

Në njoftimin e dhënë në portalin studentor, informohet se në total provimin e kanë bërë 29.829 maturantë, ku 1729 prej tyre kanë marrë notën 4.00, duke ngelur.

Kalueshmëria për këtë provim është 94.20%, ndërsa nota mesatare është 6.88.

Ndërsa dy ditë më parë u publikuan notat e Gjuhë-Letërsisë, ku vetëm 4 maturantë rezultuan se kishin marrë notën 10.