Dalin pamjet e kamerave të sigurisë, ja si u sulmua televizioni i Ismet Drishtit /Video

Dalin pamjet e sulmit ndaj ambienteve të televizionit “Zjarr Televizion”.

Në pamjet e marra nga kamerat e sigurisë duken dy persona me kapuç në kokë, që thyejnë gjatë natës dhe më pas grabisin zyrat e “Zjarr Televizion” në Tiranë.

Mësohet se ngjarja ka ndodhur gjatë natës dhe është denoncuar në polici.

Siç edhe duket në pamje grabitësit kanë marrë të paktën 2 kamera që ndodheshin në studio.

Ende nuk dihet se çfarë ato kanë arritur të marrin tjetër.

Pamjet e grabitjes janë bërë publike nga vetë televizioni, i cili në faqen e tij në Facebook shkruan:

“Ku po jetojmë?!

Kur grabitet një televizion i pajisur me kamera sigurie, çfarë ndodh me qytetarin e thjeshtë?

Grabitja nga fillimi deri në fund”.