Mentor Kikia u shpreh për Euronews Albania se hakerat kanë pasur për qëllim të marrin të dhëna nga sistemet online dhe jo të ndërpresin shërbimin për qytetarët.
“Publikuesit dhe hakërruesit dëshmojnë që qëllimi i gjithë grabitjes nuk ka qenë bllokimi i shërbimit online, por grabitja e të dhënave me ndjeshmëri të madhe që kanë të bëjnë me çështjet e sigurisë dhe dëmtimi i standardit të sigurisë. Ky publik është një dëm parësor mbi strukturën më të rëndësishme të ligjzbatimit siç është policia e shtetit”, u shpreh ai.
Gazetari nënvizoi se sistemi Memex është magazina e të gjithë punës hetimore, ku arkivohen emra të dyshuar për veprimtari kriminale.
“Publikimi i tyre është një dëm shumë i madh”, u shpreh ai.
‘Homeland Justice’ ka publikuar dokumente të tjera nga skedarët e policisë. Në dokumente shfaqen të dhënat e personave që dyshohet se janë të përfshirë në aktivitete kriminale.
Diskutime rreth kësaj post