Çuni i Fahriut kërkon besim mbarëpopullor: Ne të PD-së duhet të marrim në dorë fatet e vendit, do ta bëjmë Shqipërinë si gjithë Evropa

Çuni i Fahri Balliut, Klevis Balliu kërkon besimin e shqiptarëve për ta besuar atë dhe të gjithë “skuadrën” e Partisë Demokratike.

Ai garanton se demokratët do ta bëjnë vendin si gjithë Evropa nëse rrëzojnë kryeministrin Edi Rama.

Refuzimi i PS për Vettingun në politike është refuzim ndaj interesit kombëtar për pastrimin e politikës nga mafiozët në Parlament, pastrimin e tempullit të demokracisë nga hajdutët e parave të shqiptarëve.

Të jetë e qartë për të gjithë.

Nëse nuk pranohet Vettingu në politikë brenda hapësirave ligjore, do të bëhet Vettingu në politik nga sovrani.

Me çdo kusht dhe me çdo çmim.

Koha e pallavrave politikë ka marrë fund.

Partia Demokratike nuk ka kohë për të humbur me teknikalitetet e qeverisë.

Shqipëria nuk ka kohë për të humbur me justifikimet e qeverisë.

Sot kemi kohë vetëm për Vetting.

Sot është koha për të pastruar Shqipërinë nga bandat dhe hajdutët të veshur me kostumet e politikës”, thotë Balliu.

Ndërkohë, më poshtë në postimet e tij në Facebook ai shton: “PD sot duhet të marrë në dorë fatet e vendit dhe të çojë deri në fund ëndrrën e Azemit, ëndrrën e të gjithë shqiptarëve: “Shqipëria si gjithë Evropa”