‘Çmendet’ moti pasditen e sotme, mësoni si parashikohet të jetë koha në të gjithë vendin tonë (FOTO)

Ditën e sotme pritet përmirësimi gradual i kushteve atmosferike për vendin tonë. Moti parashikohet me kthjellime si dhe alternime vranësirash kalimtare nga orët e mesditës deri ato të pasdites.

Në zonën e veriut vranësirat do të shoqërohen me reshje shiu me intensitet të ulët, dhe në relievet malore të kësaj zone përkohësisht reshjet do të marrin karakter shtrëngatash me rrebeshe shiu e breshëri lokal.

Shtrëngata shiu afatshkurtra në orët e mesditës parashikohen gjithashtu edhe në relievet malore në pjesën tjetër të vendit.