Ç’lloj takse për shqiptarët? Basha këmbëngul por pa shifra: E sheshta demokrate

Kreu demokrat Basha pretendon se taksa progresive e aplikuar nga Rama, ka çuar në pasoja në të ardhurat nga pagat ndër shqiptarë.

“Sipas studimit më të fundit, me qeverinë e Ramës shqiptarët kanë mbetur të fundit në rajon edhe për pagat në sektorin publik dhe privat. Këto janë pasojat katastrofike të taksës progresive dhe një nga dështimet më të mëdha të kësaj qeverie…”, shkruan Basha.

Në gjykimin e tij, vetëm taksa e sheshtë është rezultative, ndonëse nuk sjell asnjë referencë na e kaluara nën qeverisjen e PD në mbrojtjen e kësaj teze.

“Taksa e sheshtë prej 9% do të jetë më e ulëta në rajon prej të cilës do përfitojnë të gjithë të punësuarit dhe vetëpunësuarit në vendin tonë”, shkruan kreu demokrat.

Kujtojmë se kohët e fundit, me nisjen e promovimit të taksës së sheshtë, Basha është ndeshur me një sërë oponencash shifrore nga mazhoranca, ku dallojnë ish-ministri Beqja dhe zv/kryeministri Braçe, të cilët kanë treguar pasojat në të ardhura individuale e taksës së sheshtë nëse aplikohet.