Analistët Artur Zheji dhe Mentor Nazarko komentuan sot në emisionin ‘Pikat mbi i’ shkarkimin e Presidentit Ilir Meta nga maxhoranca.
Zheji theksoi se votimi në Kuvend mund të jetë fillimi i një karriere të re për Metën. Ndërsa, Nazarko vlerësoi se Rama lexoi sot një epitaf për shokun e tij, Meta. Po ashtu, Nazarko tha se Shqipëria po shkon drejt një skenari monist.
Artur Zheji: Kjo është pika kulminante e betejës Meta-Rama. Parlamenti ka kukulla që votojnë. Madje, ata që bënë më copë Metën ishin dezertorë të LSI-së, por ata nuk do zgjidhen më në asnjë post kryesor.
Mentor Nazarko: Ishte ndër fjalimet më të shkurtra të Ramës, në stilin e tij. Rama lexoi një epitaf për shokun e tij. Rama e kupton se në gjendjen ku ndodhet Shqipëria, çdo fjalë e tij do të ishte e tepërt. Ai u përpoq ta thoshte shkurt atë të cilën donte të shprehte. Veprimi i sotëm i jep formë monokratike institucioneve tona. Institucionet tona ngjyrosën me ngjyrën e një partie. Me këtë veprim, do të shkojmë në një skenar monist, e prandaj ky vendim është i trishtë.
Artur Zheji: Është një mësim shumë i vonë për Metën, që nuk ka dëgjuar paralajmërimet në kohët e duhura. Nuk mendoj se është varrimi i tij politik, por mund të jetë fillimi për një karrierë të re për Metën.
Se cili do jetë fati i presidentit Meta nuk është me aq interes, por fati i presidentit të shqiptarëve iu intereson të gjithëve. Pas shkarkimit, maxhoranca ta shpallë veten kalifat. Uroj që Gjykata Kushtetuese të mos veprojë me presione. Po shkojmë si Dubai dhe nuk ka asgjë të keqe, sepse atje është një kalifat i lumtur.
Diskutime rreth kësaj post