Një kreshtë anticiklonike nga Afrika Veriore dhe Mesdheu qendror ka “hyrë” mes masave të fuqishme ciklonike në rajonin tonë duke stabilizuar motin përkohësisht dhe duke na sjellur rreze diellore mjaft të kërkuara këto ditë.
Por, në Britaninë e Madhe kemi ciklonin gjigand i cili po kushtëzonë mot esktrem atje dhe ky ciklon pritet të shtrihet deri në Evropen Qendrore. Ky ciklon pritet të kushtëzojë edhe krijimin e një cikloni sekondar në Gjirin e Gjenoves në Itali. Cikloni sekondar Gjenovian pritet të forcohet dhe zgjerohet në Ballkan duke kushtëzuar reshje të reja atmosferike.
Menjëherë nesër pritet të kemi shtim të konsiderueshëm të vranësirave të cilat pritet të na sjellin reshje të reja shiu e bore në viset malore. Për shkak të rrymimeve ajrore nga jugu shumica e reshjeve do të jenë në formë shiu.
Vende-vende përsëri priten reshje të dendura shiu sidomos në Shqipëri dhe Mal të Zi, por as Kosova dhe Maqedonia Veriore nuk do të jenë imune nga reshjet e dendura të cilat mund të shkaktojnë problematika nga nesër dhe gjatë fundjavës.
Diskutime rreth kësaj post