Analisti i njohur Arjan Çuri ka debatuar me kandidatin e PD-së, Ervin Salianji teksa po diskutoheshin për listat e opozitës. Salianji tha se Lulzim Basha ka marrë vendime të guximshme.
“Pa diskutim që po. Lulzim Basha si kryetar opozite ka marrë vendime të guximshme, të pazakonta, lënia e mandateve, përballja nga çadra, mos marrja pjesë në protesta. Në një moment të caktuar ishin vendimet e duhura”, u shpreh Ervin Salianji.
Diskutimi:
Arjan Çuri: Ajo që nuk po shoh unë të bëni është të vini pikat mbi I. Nuk ka dalë askush këta të PD-së përshembull që të kërkojë falje, ‘ne e provuam që lamë pushtetin, por nuk funksionoi’.
Salianji: Nuk merret dhe nuk gjykohet kurrë disidenti pse nuk bëre më shumë. Basha i ka bërë të gjitha betejat e duhura për të bërë të mundur çrrënjosjen e një sistemi… ka një diskutim të qartë që bëhet me etapa. PD tani që nuk është mbyllur procesi zgjedhor nuk mund të flasi për çfarë do bëjë. DASH ka shpallur non grata Tom Doshin, ai dhe Aqif Rakipi janë diferenca në këto zgjedhje. Këta njerëz që i ka Rama sot në lista, pjesën e krimit, i janë lutur PD-së dhe Bashës për të qenë pjesë e listave të PD. Tani nëse doni një pushtet që ndërron logon dhe të jetë prap shok i Tom Doshit, jo pra, ne do sjellim ndryshimin.
Arjan Çuri: Ndërroni listat, ç’i keni ato rrangalle që keni futur, nga i keni gjetur? Duhet ta reformojnë opozitën.
Diskutime rreth kësaj post