Në bashkinë e Tiranës është mbyllur procesi i votimit për primaret e PD-së. Pas një numërimi të zhvilluar në selinë e Partisë Demokratike është mësuar se do të ketë balotazh mes mjekut Ilir Alimehmeti dhe deputetit demokrat Belind Këlliçi. Këta të dy u renditën të parët mes 7 kandidatëve të tjerë.
Kështu Belind Këlliçi mori 4040 vota ndërsa Alimehmeti mori 2196 vota. Në vend të tretë u rendit Gerti Bogdani me 1819 vota. Për shkak se Këlliçi nuk mori dot 1 votë më shumë se 50% e votave të vlefshme gara do të shkojë në balotazh që do zhvillohet pas 1 jave.
Njësoj si në Tiranë 6 bashki do të shkojnë në balotazh, pasi asnjë prej kandidatëve nuk mundën të marrin 50% të votave.
Kështu në Dibër do të ketë një tjetër garë mes Besnik Alkut dhe Ismail Ukës, në Fier mes kandidatëve Evdar Kodheli e Artur Mahmutaj, në Mirditë mes Albert Mylyshit dhe Aleksandër Lala, në Librazhd mes Shefki Çotës dhe Arjanit Lekës, në Mat mes Skënder Gjucit dhe Bukurosh Ballabanit dhe Fushë Krujë mes Ndriçim Babasi e Agron Lokës.
Ndonëse Kamza u fitua thellë nga Arjan Hoxha ajo qe gara që u kundërshtua më shume nga rivalët ku Shemsi Premçi pati vërejtje për listat dhe kërkoi përsëritje të votimit, ndërsa Asllan Dogjani që doli i dyti tha: “Është një proces ku është vjedhur vota brenda Partisë Demokratike. Kjo është e turpshme që të vidhet mes njëri tjetrit, nuk kam çfarë them më shumë”.
Kreu i PD, Sali Berisha ndonëse në një konferencë për mediat, nuk i mohoi disa parregullsi, i cilësoi primaret si të pashembullta në historinë e Shqipërisë. “Nuk pretendohet të ishte një proces i përsosur. Jo! Nuk mund të pretendosh një gjë të tillë, por se u bë çfarë ishte e mundur për procesin më të mirë”, tha Berisha.
Diskutime rreth kësaj post