Në plazhet brenda qytetit të Vlorës, aksionet per lirimin e tyre ende nuk janë zhvilluar. Në pritje të tyre pushuesit thonë se po vjen fundi i sezonit dhe se hapësirat duhet të ishin liruar më herët, sepse p.sh një pensionist nuk ka aq para sa të paguajë 500 lekë çdo ditë për një çadër.
Pushuesja: Ëhstë shumë e rregullt, por në një kohë të gabuar. Po rrimë nën hijen e pemëve sepse këtu çdo gjë paguhet.
Në hapësirat publike të dhëna me qira nga bashkia e Vlorës, pushuesit janë të detyruar që çadrat, të cilat ata i kanë me vete t’i vendosin mes papastërtive. Po ashtu dhe mungesa e tualeteve publike është një tjetër shqetësim.
Pushuesja: Këtu në plazhin e Vlorës, vërejtja e parë është që këtu nuk ekziston asnjë banjo publike, asnjë!
Pushuesi: Aktualisht tim bir e kam me ilaçe, pasi është sëmurë dhe ka diarre pikërisht prej plehrave të shumta që ka këtu.
E ardhur nga Belgjika një plazhiste e rregullt në Vlorë thotë se këtë vit e ka gjetur të zaptuar nga një biznes privat hapësirën publike ku kishte bërë plazh vitin e kaluar.
“U shkokova kur gjeta plazhet të zaptuara dhe të bëra private. Nuk e di pse kanë ndodhur këto gjëra këtu. Këtu ku jam ulur unë, ky nuk është plazh i përshtatshëm, sidomos për fëmijët.”-tha pushuesja per top channel.
Krahas aksionit kombëtar që në qarkun e Vlorës ka mbërritur deri në Radhimë, kryeministri Rama ka premtuar një ligj të ri dhe burg për zaptuesit e paligjshëm të rërës.
Diskutime rreth kësaj post