Çështja e nxehtë e detit: Zbardhet lëvizja urgjente e ministrit të Jashtëm të Greqisë, data kur pritet të zbarkojnë në Tiranë

Ministri i Jashtëm i Greqisë Nikos Dendias, pritet të vizitojë Tiranën më 20 tetor. Një nga temat kryesore të bisedimeve do të jetë dhe çështja e detit me Shqipërinë.

Në një intervistë për mediat greke pak ditë më parë ai u shpreh se çështja kërkon që të zgjidhet sa më shpejt që të jetë e mundur.

Kryediplomati helen shpreson te rinisja e dialogut mes Shqipërisë dhe Greqisë rreth kësaj marrëveshje, ndërsa theksonte se zgjidhja e problemeve të vjetra është edhe në interesin e Shqipërisë duke pasur parasysh perspektivën evropiane.

Deklarata e kryeministrit grek, Kiriakos Mitsotakis se Greqia do zgjerojë ujërat e saj territoriale me 12 milje, ka shkaktuar debate në vend.

Por, kryeministri Rama tha se kjo deklaratë nuk ka lidhje me Shqipërinë.