Deputeti socialist, Ervin Bushati, i ftuar në emisionin “Ditari” u shpreh i sigurt se PS-ja do të fitojë zgjedhjet e 25 prillit.
Ai thotë se Rama do të formojë qeverinë, më 26 prill. Sipas tij, PS-ja do të jetë forca e parë dhe do të vazhdojë të jetë mazhoranca e këtij vendi, sepse po hap dyert për njerëz të rinj për të përmirësuar punën nga pikëpamja politike e organizative me një ekip dhe kontratë pune.
“PS ka bërë një hapje të madhe, po hapim dyert e zemrat për njerëz të rinj e procese të reja që do të përmirësonte punën tonë nga pikëpamja politike dhe organizative. Ne jemi gati të pranojmë e përthithim njerëz dhe ide të reja për të pasur ofertën më të mirë në formatin politik, për 25 prillin dhe jam i sigurt që PS-ja do të jetë forca e parë, do vazhdojë të jetë mazhoranca e këtij vendi. Do të kemi një ekip të punës një kontratë të punës më shumë sesa politike dhe kjo do të kërkojë njeriun që është në krye të punës, që është Rama, dhe ai do të formojë qeverinë e re, më 26 prill”, – tha Bushati.
Deputeti thotë se sfida e PS-së është marrja e 74 mandateve, në zgjedhjet e 25 prillit, ndërsa përjashton idenë e rrotacionit.
“Ne do të vazhdojmë të jemi forcë e parë, ne kemi ardhur në rritje. Ideja e rrotacionit është se në demokraci nuk është me rrotacion, por me votacion. Ajo që kemi sfidë është që ta kapim me 74 mandate”, – thekson Bushati, ndërsa shton se në këto vite qeverisje Shqipëria ka ecur shumë mirë.
Diskutime rreth kësaj post