Kryeministri i Mbretërisë së Bashkuar Boris Johnson mblodhi sot një takim urgjent të Komitetit Qeveritar të Menaxhimit të Krizave për të diskutuar situatën në Afganistan. Sekretari Britanik i Mbrojtjes, Ben Wallace e ka konsideruar një gabim largimin e trupave amerikane nga Afganistani ndërkohë që talebanët po përp0arojnë me shpejtësi.
Në një deklaratë për Sky News, Ben Wallace tha se amerikanët i kishin dhënë vendimit të tërheqjes një nxitje të madhe për talebanët të cilët shfrytëzuan rastin dhe pushtuan pjesën më të madhe të vendit. Gjithashtu, Wallace tha se për shkak të këtij vendimi, bashkësia ndërkombëtare ndoshta do të paguajë një çmim të lartë dhe se ka shanse të mëdha që al-Qaeda të kthejë bazat e saj në Afganistan, raporton theguardian.
“Në kohën e administratës Trump, e cila arriti një marrëveshje për tërheqjen, ndjeva se ishte një gabim i madh. Ne të gjithë do të kemi pasoja në bashkësinë ndërkombëtare për këtë. Unë isha mjaft i hapur për vendimin e SHBA. Strategjikisht, kjo do shkaktojnë shumë probleme, dhe për ne si bashkësi ndërkombëtare, është shumë e vështirë të shikosh gjithçka që po ndodh këto ditë në Afganistan”, tha Wallace.
Ëallace gjithashtu theksoi se Britania e Madhe po vendos 600 trupa shtesë në Afganistan, të cilët do të marrin pjesë në evakuimin e 3,000 banorëve afganë, i cili përfshin përkthyes dhe shtetas britanikë.
Në dy ditët e fundit, forcat talebane kanë kapur tre qytete kryesore në jug dhe perëndim të vendit, përkatësisht Kandahar, Lashkar Gah dhe Herat, duke krijuar kështu të gjitha parakushtet për kapjen e kryeqytetit Kabul, i cili do të konfirmojë kontrollin e plotë mbi Afganistanin.
Diskutime rreth kësaj post