Ish-deputetja Aurora Mara, e cila erdhi në Kuvend nga listat e Lëvizjes Socialiste për Integrim pasi opozita dogji mandatet, është shfaqur ditën e sotme krah kryeministrit Edi Rama në Mat.
Ajo kandidon për deputete në zgjedhjet e 25 Prillit nën siglën e socialistëve e dyta në qarkun e Dibrës. Në një takim me të rinj që votojnë për herë të parë, Mara deklaroi se rinia është e ardhmja dhe ajo duhet t’ia besojë votën e saj energjisë së kryeministrit Rama për Shqipërinë që duam.
“Rinia është e ardhmja. Është shpresa e këtij vendi. Sot jemi me të rinj që votojnë për herë të parë që kalojnë nga një fazë shkujdesje te përgjegjësia sociale. Vota është e shenjtë. Kultura, tradita, e ardhmja e një kombi.
Vota është shumë e rëndësishme. Besojani votës tuaj energjisë, vizionit, përkushtimit, këmbënguljes së kryeministrit Rama për ta bërë Shqipërinë që duam. Besojani votën tuaj vizionit të ardhmes, Numrit 12, Partisë Socialiste. Është e vetmja forcë politike që punon për të mirën e kombit dhe shqiptarëve me përkushtim dhe punë”, – tha Mara.
Diskutime rreth kësaj post