Braçe kërkoi kallëzim penal, PS e emëron kryetar të këshillit bashkiak

Zëvendës kryeministri Erion Braçe e akuzoi pesë ditë më parë si të çmendur dhe kërkoi kallëzim penal por sot Asaf Stroka u zgjodh në krye të këshillit bashkiak të Sarandës.

Pas konstituimit të këshillit bashkiak të Sarandës, socialistët zgjodhën përmbaruesin Asaf Stroka në krye të tij. Ai ishte kryetar i Përmbarimit të Sarandës dhe emri i tij u bë i njohur për publikun pasi urdhëroi AKU-në të hiqte sekuestron ndaj një punishteje ku u sekuestrua një sasi e konsiderueshme mishi dhe prodhime deti të skaduara.

Në lidhje me këtë ngjarje reagoi edhe zv/kryeministri Erion Braçe i cili më 1 gusht shkroi në një postim në Instagram:

“Më datë 31 korrik, gjykatësi Elidon Papazisi ka hequr masën e bllokimit dhe përmbaruesi Asaf Troka, pa njoftuar zyrtarisht AKU-në ka qenë në punishte dhe ka hequr të gjitha vulat e bllokimit! A keni turp gjykatës e përmbarues bashkë?! Thoni në vendim duke e justifikuar atë se po mbroni interesin publik; jeni çmendur apo çfarë? Cili është interesi publik, të hash pula të skaduara? Apo të hash sallam prej tyre?”

Braçe shtoi gjithashtu se kishte kërkuar nga AKU që të vlerësonte procedurat e ndjekura nga përmbaruesi Asaf Stroka dhe nëse shihte vepër penale ta kallëzonte.

“Po ashtu i kam kërkuar AKU te vlerësojë procedurat e ndjekura nga përmbaruesi e nëse sheh vepër penale ta kallëzojë. Boll më!”mbyllte Braçe postimin e tij

Por pesë ditë pas kërkesës për kallëzim penal dhe akuzave për papërgjegjshmëri dhe cmënduri Asaf Stroka emërohet në krye të këshillit bashkiak Sarandë me votat e anëtarëve të Partisë Socialiste. /Opinion

FOTO:

View this post on Instagram

ZOTI GJYKATES, A I HA TI KETO FILETO PULE? ZOTI PERMBARUES, I HA TI KETO FRUTA DETI? PO FEMIJEVE TUAJ, A UA JEPNI PER TI NGRENE? NESE JO, PSE DUHET TI HANE FEMIJET E NJEREZVE TE ZAKONSHEM TE KETIJ VENDI? Ne date 25 korrik, AKU VLORE, ka bllokuar ne Sarande ne dyqanin e punishten e mishit te shtetasit Arben Haki Mehmeti keto produkte: 1. Fileto pule 1560 kg me date skadance 27. 03. 2019; 2. Mix fruta deti 640 kg me date skadence 20. 10. 2018; 3. Fileto pangasio 1120 kg me date skadence 10. 11. 2018; 4. Pite elviart 1500 cope me date skadence 8. 03. 2019; 5. Patate brasili 100 kg me date skandence 30. 09. 2015; 6. Fileto pule 564 kg me date skadence 2. 01. 2019; 7. Fileto pule Pechugan 720 kg me date skadence 18. 11. 2018; 8. Kofshe derri Seara 540 kg ma date skadence 20. 07. 2019; 9. Shpatull deri 100 kg e paambalazhuar e pa etiketuar, dhjam deri po ashtu 500 kg etj etj gati 7 tone produkte te tilla! AKU KA BLLOKUAR TE GJITHA KETO PRODUKTE, DYQANIN DHE PUNISHTEN E SALLAMIT! Me date 31 korrik, gjykatesi Elidon Papazisi ka hequr masen e bllokimit dhe permbaruesi Asaf Troka, pa njoftuar zyrtarisht AKU-ne ka qene ne punishte dhe ka hequr te gjitha vulat e bllokimit! A KENI TURP GJYKATES E PERMBARUES BASHKE?! Thoni ne vendim duke e justifikuar ate se po mbroni interesin publik; JENI CMENDUR APO CFARE? Cili eshte interesi publik, te hash pula te skaduara? Apo te hash sallam prej tyre? AKU DJE KA RIINSPEKTUAR DHE KA BLLOKUAR SERISH CDO GJE! Nderkohe i kam kerkuar AKU te njoftoje cdo institucion qe merret me veprimtarine e gjykatesve, perfshire KLGj e ONM. Po ashtu i kam kerkuar AKU te vleresoje procedurat e ndjekura nga permbaruesi e nese sheh veper penale ta kallezoje. Boll me!

A post shared by Erion Brace (@erionbrace) on Aug 1, 2019 at 3:46am PDT