“Të shpresohet për më të mirën, por të përgatitemi për më të keqen”. Kështu thonë virologët italianë, të cilët pas shpalljes së hartës për fazën 2 të emergjencës së koronavirusit, theksuan se për momentin mund të thuhet se virusi është në tërheqje dhe se po shkohet ngadalë, por në mënyrë të vendosur, drejt fundit të valës së parë.
Për virologët do të jetë thelbësore të menaxhohet rihapja bazuar në të dhëna sa më shumë që të jetë e mundur nga monitorimi shkencor dhe epidemiologjik i një kthimi të mundshëm të virusit.
Virologu Guido Silvestri, profesor në Universitetin e Atlantës në SHBA, shikon tre skenarë të mundshëm.
“Skenari më i keq është ai i një virusi që kthehet në periudhën dhjetor-janar, duke na gjetur pa terapi efektive dhe gati për të sulmuar grupe të mëdha të prekshme (d.m.th., jo imunë). Në këtë rast loja do të luhet në nivelin e parandalimit të infeksionit dhe kjo është ajo për të cilën duhet të përgatitemi”, paralajmëron virologu.
Skenari i ndërmjetëm bazohet në përhapjen e një virusi të patogjenezës së zbutur (zvogëlimi i vdekshmërisë) dhe/ose në praninë e terapive efektive.
Skenari më i mirë është ai i virusit që shuhet dhe nuk kthehet kurrë, që sipas virologut është i pamundur, me një shans për të materializuar më pak se 10%, por që askush nuk mund ta përjashtojë me siguri.
Diskutime rreth kësaj post