Ministri i Jashtëm grek Nikos Kotzias, është thirrur në një interpelancë nga opozita greke lidhur me incidentin për bluzën “Shqipëria e madhe”.
Bëhet fjalë për një foto, ku zv/ambasadori shqiptar në Athinë është fotografuar brenda një shkolle në Kretë, përkrah një fëmije shqiptar i cili ka veshur një bluzë me hartën e Shqipërisë së Madhe.
Deputeti i partisë “Demokracia e re”, Theodhos Karaoglu, ka kërkuar interpelancë në parlament lidhur me këtë çështje.
Kotzias ka reaguar lidhur me këtë incident, dhe ka thënë se fëmija nuk e ka idenë se çfarë kuptimi ka ajo hartë.
“Sa i përket ngjarjes në Hania, dua të theksoj se bëhet fjalë për një incident të izoluar. Nuk duhet të vihet në shënjestër asnjë fëmijë i cili as që është i vetëdijshëm për mesazhet që përcjellin imazhet në bluzën e tij. Përgjegjës për këtë incident janë ata që përdorin fëmijët si mjete provokimi me shprehje të tendencave revizioniste në raport me drejtën ndërkombëtare”, mësohet të ketë thënë Kotzias.
Diskutime rreth kësaj post