Blen një biletë llotarie dhe e harron prej muajsh në komodinë, pasi e kontrollon zbulon të papriturën

Një burrë nga Misuri, i cili fitoi një çmim llotarie prej 50,000 dollarësh me një mik, tha se bileta kishte qenë në komodinë e tij për muaj të tërë para se të zbulonte se ishte fituese.

Lotaria e Misurit njoftoi se burri dhe një mik blenë një biletë për shortin e Powerball të 11 qershorit nga dyqani QuikTrip në Belleau Creek Road në O’Fallon.

“Unë dhe një shok që e njoh prej 50 vitesh kemi luajtur vitet e fundit”, u tha burri zyrtarëve të lotarisë. “E kam njohur që në klasën e shtatë. Ishim në një shkollë.”

Më tej, burri tregoi se bileta ishte lënë e pakontrolluar për muaj para se të kujtohej ta sillte në një dyqan dhe ta skanonte.

“Bileta ishte në komodinë time që nga 11 qershori,” tha burri. “Kur e kontrollova, nëpunësi tha: “Fitove 50,000 dollarë”.