Berisha tregon arsyen: Pse Rama nuk mori me vete në Ukrainë Peleshin dhe Xhaçkën

Ish-kryeministri dhe kreu i Partisë Demokratike Sali Berisha ka reaguar lidhur me vizitën e kryeministrit, Edi Rama në Ukrainë. Në një postim në “Facebook”, Berisha shkruan se Rama përjashtoi nga vizita Ministrin e Mbrojtjes, Niko Peleshi, dhe ministren e Jashtme, Olta Xhaçka.

Kreu i PD, thotë se udhëtimi i këtyre të fundit u refuzua nga vete Rama. Kjo, sipas tij, sepse ai e dinte se në bisedime, Presidenti Zelensky do t’i ngrinte Rames çështjen e qëndrimit të tij të dyfishte ndaj agresionit rus kundër Ukrainës.

Më tej, Berisha thekson se Rama pranon turistet rus në vendin tonë si dhe ka lejuar ankorime misterioze te anijeve ruse ne portet tona. Sipas Berishës “këto bisedime nuk mund t’i degjonin Peleshi dhe Xhaçka, sepse pa u kthyer ne Shqiperi, gojet e tyre që nuk mbyllen kurrë, do të zbardhnin çdo gjë”.

Postimi i Berishës

“Pse Rama perjashtoi nga udhetimi ne Ukraine Peleshin e mbrojtjes dhe Xhaçken e te jashtmes!

Te dashur miq,

Rama shkoi ne Ukraine i shoqeruar vetem nga Baton Stanishiq, Arben Malavita dhe Elisa e Skederbuçit.

Nga udhetimi u perjashtuan ministri i mbrojtjes Peleshi dhe e jashtmia Xhaçka. Udhetimi i ketyre te fundit u refuzua nga vete Rama. Kjo, sepse ai e dinte se ne bisedime Presidenti Zelenski do ti ngrinte Rames çeshtjen e qendrimit te tij te dyfishte ndaj agresionit rus kunder Ukraines.

Dihet se Shqiperia nga njera ane ka denoncuar agresionin rus ndaj Ukraines dhe zbatuar sanksionet ndaj Rusise, por nga ana tjeter, Edi Rama pranon turistet rus vrases, perdhunues dhe pengmarres ne luften ne Ukraine, te cilet vijne nga Beogradi ne Shqiperi per pushime dhe energji te reja per tu kthyer me pas ne front dhe vazhduar genocidin e krimet kunder njerezimit, kunder qytetareve te Ukraines.

Perveç kesaj, Rama, ne shkelje te sanksioneve, ka lejuar ankorime misterioze te anijeve ruse ne portet tona. Keto bisedime nuk mund ti degjonin Peleshi dhe Xhaçka, sepse pa u kthyer ne Shqiperi, gojet e tyre qe nuk mbyllen kurre, do te zbardhnin çdo gje.

Duke perfunduar, denoj me ashpersine me te madhe politiken dy-fytyreshe te Edi Rames ndaj Ukraines dhe kerkoj qe kjo politike te marre fund menjehere. sb” tha ai.