Kryeministri Edi Rama ka reaguar në lidhje me deklaratën e kryetarit të Partisë Demokratike, për Prokurorinë e Posaçme Kundër Korrupsionit dhe Krimit të Organizuar, pasi ky i fundit u paraqit sot për të zbatuar masën e sigurisë “detyrim paraqitje” për dosjen “Partizani”.
Kreu i qeverisë ka publikuar një video ku shihet një buf i lagur, ndërsa në sfond janë fjalët e Berishës për SPAK, shënim të cilin e la pasi zbatoi masën e vendosur ndaj tij.
“Prokuroria politike e Edi Ramës, e kukullës së Xhorxh Sorosit, me në krye mercenar Dumanin është vegël e regjimit të tij dhe patericë e pushtetit të krimit i cili merr fund me turp në 11 maj të 2025”, shkroi Berisha.
Rama shkruan mbi videon e ndarë në rrjetet sociale se për zgjedhjet parlamentare Berisha do të marrë “Noc Rrokun në 11 maj, o Buf”.
Diskutime rreth kësaj post