Sali Berisha ka deklaruar se një nga vendimet e para që do të marrë Partia Demokratike sapo të vijë në pushtet pas datës 11 maj, do të jetë hapja e platformës TikTok. Berisha e ka quajtur mbylljen e TikTok-ut nga Qeveria e Edi Ramës si një akt të rëndë ndaj fjalës së lirë, duke argumentuar se Rama e ka mbyllur këtë rrjet social për shkak të dominimit të PD-së në këtë platformë, ku ajo ka pasur një prani shumë më të madhe sesa Partia Socialiste.
Në një deklaratë për mediat, Berisha ka theksuar se ky vendim i Ramës është një tentativë për të censuruar opozitën dhe për të ndaluar fjalën e lirë, duke përdorur TikTokun si një mjet për të arritur këtë qëllim. Ai e ka quajtur mbylljen e TikTokut një “akt prej xhelati” ndaj të drejtës për liri shprehjeje.
Berisha ka kritikuar edhe argumentin e kryeministrit Rama, i cili tha se mbyllja e TikTok ishte e nevojshme për të mbrojtur të rinjtë nga përmbajtjet e dhunshme. Ai ka thënë se problemet e përdoruesve të platformës nuk duhet të zgjidhen me ndalimin e TikTokut, por me kontrollin e atyre që abuzojnë me përdorimin e saj dhe jo me censurën e gjithsecilit.
Më tej, Berisha ka siguruar të rinjtë dhe të rejat, duke theksuar se pas fitores në zgjedhje, vendimi i parë që do të marrë PD do të jetë heqja e ndalimit të TikTok-ut dhe një hetim i thelluar për aktin e qeverisë, që ai e cilëson si shkelje të Kushtetutës, në veçanti të nenit 22, që garanton lirinë e shprehjes. Berisha ka thënë se ky është një hap që do të marrë Partia Demokratike për të siguruar që fjalën e lirë dhe mundësitë për të rinjtë ta kenë si mjet për të shprehur idetë e tyre pa pengesa.
Diskutime rreth kësaj post