Janë zbardhur disa nga diskutimet e zhvilluara në mbledhjen e grupit parlamentar të PD-së.
Mësohet se Berisha ka kërkuar protestë qytetare ditën e enjte, kur është edhe seanca plenare, ku pritet të votohet rregullorja e re e Kuvendit dhe marrëveshja Shqipëri-Itali për emigrantët.
Por kjo kërkesë e tij nuk është pritur mirë nga deputetët të cilët kanë kërkuar që të vijojë protesta në Kuvend.
Gazment Bardhi e ka kundërshtuar më shumë duke argumentuar se kjo protestë do keqinterpretohej dhe do humbte qëllimin e saj.
“Çdo protestë qytetare në këtë moment do të keqinterpretohet nga opinioni publik dhe se nuk mund të konfondohen betejat e opozitës me akte momentale. Strategjia e opozitës nuk duhet të ndikohet nga ngjarje rastësore”, ka thënë mes të tjerash Bardhi.
Surprize ka qene edhe reagimi i një nder deputetëve më mbështetës të Sali Berishës, që prej nisjes së aksionit të tij të Foltores, Flamur Noka, i cili ka dalë në krah të Gazment Bardhit, duke argumentuar, se një protestë e tillë, nuk mund të zhvillohet në këtë moment. “Kemi deklaruar që betejën do ta përballojnë fillimisht deputetët, përpara se t’i kërkojmë sakrificë mbështetësve”, mësohet të jetë shprehur ai.
Diskutime rreth kësaj post