Nëse bashkëshorti jeton në Itali, për të mundësuar bashkimin familjar gjatë 2019 duhet të ketë të ardhura minimale 8.9 mijë euro në vit. Nëse shqiptari rezident atje dëshiron të tërheqë të gjithë familjen (deri në 4 persona) atëherë të ardhurat e tij duhet të kenë disa zero më tepër.
Emigrantët që do të përtërijnë këtë vit lejeqëndrimin, apo të kërkojnë kartën e qëndrimit, duhet të tregojnë se kanë të ardhura vjetore jo më të ulëta se çeku: 5.954,00 euro. Kush do të nisë praktikën për të sjellë në Itali bashkëshortin me bashkim familjar duhet të tregojë se ka të ardhura sa të paktën 1,5 herë çeku social.
Krahasuar me një vit më parë, ka pasur një rishikim nga Instituti Nacional për Sigurimin Social, duke e rritur me më shumë se 100 euro tarifën e shumës që emigranti me lejeqendrimi duhet të zotërojë, që të tërheqë familjen.
Të huajt me leje të rregullt qëndrimi në Itali janë rreth 3 milionë e 700 mijë sipas të dhënave të ISTAT. Dy komunitetet më të përhapur janë ai shqiptar dhe maroken, të cilët më vete përfaqësojnë rreth një të katërtën e totalit.
Diskutime rreth kësaj post