“Bashkëpunimi ekonomik midis dy vendeve është rritur”, Taulant Balla merr pjesë në Samitin Botëror të Partive Politike me PK të Kinës

Kryetari i Grupit Parlamentar të Partisë Socialiste Taulant Balla mori pjesë në Samitin Botëror të Partive Politike me Partinë Komuniste të Kinës.

Balla deklaron se mes Shqipërisë dhe Kinës ekziston një klimë e mirë bashkëpunimi dypalësh, me një nivel të kënaqshëm të dialogut politik dhe të shkëmbimit të vizitave dypalëshe.

Deklarata e Ballës:

“Në Samitin Botëror të Partive Politike me PK të Kinës. Mes Shqipërisë dhe Kinës ekziston një klimë e mirë bashkëpunimi dypalësh, me një nivel të kënaqshëm të dialogut politik dhe të shkëmbimit të vizitave dypalëshe.

Bashkëpunimi ekonomik midis dy vendeve është rritur. Kina zë afër 8% të totalit të vëllimit tonë tregtar, ndërsa eksportet shqiptare drejt Kinës po vazhdojnë të rriten ndjeshëm”, shprehet Balla.