Basha shokon parlamentin, tregon çfarë i ndodhi në lokal kur po hante me familjen

Lulzim Basha duke folur nga foltorja e Kuvendit ka denoncuar tatimorët.

Kreu i PD ka rrëfyer një eksperiencë personale.

Basha tha se ka rastisur në një lokal për drekë me familjen, kur një grup tatimorësh kishin shkuar, vendosur një gjobë dhe me sjelljen e tyre kanë terrorizuar klientët.

“Isha të dielën në për drekë në një restorant modest në periferi të Tiranës me familje. Pak pasi u ula aty erdhën një grup tatimorësh dhe nisën një kontroll në çdo tavolinë.

Pasi ikën tatimorët e zonja e lokalit u afrua dhe më tha se në tre muajt e fundit kanë marrë gjoba marramendëse pasi nuk kishin kohë që të prisnin faturë për çdo artikull të shitur, por për të gjitha produktet e shitura. Shqetësimin e tij pronarja e tij e mbylli me një pyetje retorike: Çfarë mund të
ndodhte sikur ky ta kishte marrë me herët pushtetin”, tregoi Basha.