Basha replikon Ramën: “Shqiptarët kanë nevojë për një kryeministër që punon për ta e jo një klloun të dështuar si ti”

Kreu i PD-së Lulzim Basha ka repliikuar sërisih me kryeministrin Edi Rama.

Basha shprehet se Rama është përgjegjës pse qindra qytetarë kanë humbur jetën, për shkak të korona virusit.

Ai shton se bashkë me shqiptarët do të fitojë zgjedhjet e do të shërojë plagët e hapura nga kreu i qeverisë aktuale.

Postimi i kreut të PD Lulzim Basha:

Të gjithë e kuptojnë se ti gënjen e shpif vetëm për të larguar vëmendjen nga pyetjet që ju interesojnë vërtet qytetarëve: Pse qindra shqiptarë kanë humbur jetën nga koronavirusi si rezultat i dështimit tënd?

Pse spitalet janë mbushur plot dhe të sëmurët dergjen në ambulanca dhe korridore? Pse e ke shkatërruar ekonominë? Pse nuk ju jep ndihmë financiare të prekurve nga korona virusi? Pse e ke mbyllur derën e BE?

Shqiptarët kanë nevojë për një kryeministër që punon për ta e jo një klloun të dështuar si Rama. Bashkë do ti fitojmë zgjedhjet & do shërojmë plagët e hapura nga ai!-shkruan Basha