Basha i përgjigjet Ramës: Ku do e gjejë maskën ai që s’ka lekë për bukë

Pas pas konferencës për shtyp të kryeministrit Edi Rama, ka folur në një komunikim me gazetarët edhe kryedemokrati Lulzim Basha

Ky i fundit ka reaguar në lidhje me masën më të fundit të qeverisë, lidhur me mbajtjen e maskën me detyrim në cdo ambjent.

Sipas tij, njerëzit nuk kanë para të hanë bukë edhe ndaj për ta maska kushton.

“Dy javë më parë, kërkuam që qeveria të marrë masa për valën e dytë të pandemisë. Ka dalë me dhjetra here në ekran e ka sulmuar opozitën, në vend që t’i vinte veshin propozimeve tona, meqë vetë ësht ëpa ide, po e ka mendjen të mbushë xhepat e tij e të klientëve të tij. Po ti kishte vënë veshin propozimit tonë më 11 mars, nuk ishim në këtë gjendje. Të njëjtën gjë i thamë para dy javësh nga kjo sallë.” tha Basha ndërsa solli edhe një herë në vëmendje planin me 5 pika të rimëkëmbjes nga kriza.