Ish-anëtari i Këshillit Kombëtar të PD, Edvin Kulluri shprehet i prerë se qeveria pas tetë vjetësh nuk ka bilanc pozitiv, por problemi qëndron se opozita është edhe me keq se qeveria.
Kulluri madje deklaroi për emisionin ‘Hard talk’ se që opozita të fitojë zgjedhjet e 25 prillit duhet që të ketë si kandidat për kryeministër një emër tjetër dhe jo Lulzim Bashën.
Ish-anëtari i Këshillit Kombëtar të PD Edvin Kulluri deklaron se fitorja e opozitës mund të vijë vetën nëse Lulzim Basha nuk do jetë kandidat për kryeministër dhe në vend të tij te jetë një emër konsesual dhe që krijon besim.
-Zoti Kulluri, nëse PD fiton zgjedhjet dhe Basha bëhet kryeministër a do kërkoni falje për të gjitha që keni thënë?
-Unë i kërkoj falje kujtdo ndaj të cilit kam bërë gabim. Gabimi është çështje morale nuk është çështje konjukture.
-A do i kërkoni falje apo jo Bashës?
–Unë me modelin sharlatanesk të drejtimit të opozitës që mbase dhe mund të jetë në drejtim të qeverisjes nesër, nuk kam për të rënë kurrë dakord sepse është çështje parimesh dhe vlerash. Nëse opozita e sotme fiton zgjedhjet, që për mua do ishte çudi e madhe, për shkak se nuk qëndron mbi fondamentet mbi të cilat duhet të ishte e vendosur, morale flasim mbi të gjitha dhe politike, unë jo vetëm s’do kërkoj falje por fatkeqësisht do provoj tezën se do jetë një qeverisje e keqe. Për shkak se principet mbi të cilat është e bazuar kjo opozitë sot, që është mungesa e transparencës. Unë kërkoj falje kur e kam gabim. Pastaj nëse këtu fiton Lulzim Basha apo Monika Kryemadhi kjo nuk është çështja ime dhe nuk mund të jetë qeveria që më përfaqëson mua për shkak të principeve për të cilat kam folur. Ti sot ke një opozitë së cilës i mungon transparenca, i mungon vendimmarrja demokratike, i mungon mbajtja e përgjegjësisë që ka principe qeverisjeje, dhe mbi të gjitha sot elita e PD ose ta themi troç kryetari i PD është pjesë e kësaj oligarkie politike, ekonomike, korruptive.
-Si e vërtetoni ju këtë?
-Nëse Shqipëria ka marrë këtë rrugë, nëse situata ekonomike është në krizë, dhe kjo ka prodhuar mungesë besimi që njerëzit po marrin valixhet po ikin, bizneset e familjes së zotit Basha shkojnë vetëm në rritje. Mjafton kaq për të kuptuar se për çfarë morali flasim për kryetarin e opozitës. Fakti ekziston përtej atij që e denoncon. Lulzim Basha duhet të hapë krahun për një kandidat tjetër për kryeministër që të bashkojë opozitën. Nëse PD do të fitojë zgjedhjet e 25 prillit bashkë me aleatët e saj, për mua e vetmja zgjidhje është tërheqja e Lulzim Bashës.
Diskutime rreth kësaj post