Tre kryefamiljarë, banorë të Kombinatit, të cilët për më shumë se një dekadë ishin në pritje të marrjes së certifikatës së legalizimit të banesave të tyre kanë marrë sot dokumentin që i bën ata zyrtarisht pronarë të pronës së tyre. Drejtuesja politike e Partisë Socialiste për njësinë numër 6, Belinda Balluku, ishte pranë këtyre familjeve për t’iu dorëzuar atyre certifikatat e legalizimit.
“Pavarësisht gjithë kërkesave shumë të mëdha që ka zona, pasi është një zonë informale e gjithë kjo pjesa e Sharrës, po bëhet një punë shumë e mirë, dhe ne arritëm që t’ju sjellim sot legalizimin”, u shpreh Balluku.
Ministrja tha se puna dhe rezultatet e një Qeverie vlerësohen përmes votës dhe nga gjykimi i qytetarëve na ndajnë vetëm pak muaj, ku ata do të shprehin vullnetin e tyre.
“Edi Rama dhe Qeveria sot po punojnë, siç nuk ka punuar askush tjetër. Ne kemi një parim që themi fjalë pak e punë shumë, sepse s’ka nevojë të flasësh shumë sepse puna e tregon vetë se çfarë ne po bëjmë. Ne duam të na vlerësoni. Vota që ju jepni është vlerësim për Qeverinë, ashtu siç e ndjeni dhe ashtu siç e meritojmë”, theksoi Balluku.
Diskutime rreth kësaj post