Sali Berisha, gjatë fjalës së tij para diasporës shqiptare në Milano, u ka prezantuar programin e Partisë Demokratike. Berisha tha se programi i tyre është ‘Shqipëria madhështore’, e cila sipas tij fillon me një Shqipëri ku shqiptarët të jetojnë si njerëz, të mos përballen me varfërinë ekstreme.
Gjithashtu, ish-kryeministri tha “Shqipëria madhështore do të jetë Made in Albania. Do bëhet gjithçka nën moton ekonomia, Shqipëri prodhuese. Markat shqiptare do mbushin dyqanet, do vërshojnë”.
Berisha: Programin e Shqipërisë madhështore do ta bëjmë realitet. Vota juaj do të jetë një votë për transformime të atilla që do të ndërtojnë Shqipërinë madhështore. LaCivita u deklaroi shqiptarëve ‘kam ardhur këtu te ju për të mbështetur Sali Berishën në projektin e Shqipërisë madhështore’.
Cili është program ynë; Shqipëria madhështore, fillon me një Shqipëri ku shqiptarët të jetojnë si njerëz, të mos përballen me varfërinë ekstreme. Kjo realizohet në tre muaj me një paketë emergjence, që nxjerr çdo shqiptarë në territorin e Shqipërisë jashtë varfërisë ekstreme.
Kjo do ju ndihmojë edhe juve, sepse familjarët e të afërmit ju kërkojnë tu dërgoni ilaçe dhe gjëra të ndryshme. Sepse një pension nuk mjafton për dy javë ilaçe. Këto do të marrin fund. Shqipëria madhështore, do të jetë ku shqiptarët të jetojnë dhe paguhen me dinjitet. Por jo vetëm kaq, do të jetë madhështore ku ju të vendosni të ardhmen tuaj, kursimit tuaja, duke investuar.
Për çdo shqiptar që kthehet në Shqipëri 5 vjet pa asnjë taksë. Shqipëria madhështore do të jetë Shqipëria e krenarisë tonë. Shqipëria madhështore do të jetë Made in Albania. Do bëhet gjithçka nën moton ekonomia, Shqipëri prodhuese. Markat shqiptare do mbushin dyqanet, do vërshojnë.
Merrni pak regjistrat e viteve 2005-213, 320% u rritën eksportet, u rrit prodhimi. Kurse sot ka tre vite që zbret prodhimi dhe vitin e kaluar eksportet ishin 32% më pak se në 2023. Do bëjmë gjithçka që ato pasuri që i ka falë zoti Shqipërisë t’i kthejmë në të mira. Ballkani i Hapur stop. Në kosh do hidhet.
Diskutime rreth kësaj post