Presidenti Bajram Begaj, i bën thirrje institucioneve përgjegjëse dhe pushtetit vendor, të tregojnë përgjegjshmëri maksimape për mbrojtjen e jetës dhe pronës të çdo qytetari, në këtë situatë të rënduar nga moti i keq.
Përmes një mesazhi në rrjetet sociale, Begaj thotë se është e rëndësishme që popullata të ketë informacionin e nevojshëm në kohë reale për të përballuar si duhet çdo vështirësi, gjithmonë duke patur mbështetjen e institucioneve shtetërore.
Mesazhi i plotë i presidentit Begaj:
“Po ndjek me vëmendje situatën e rënduar të krijuar nga reshjet e shiut dhe stuhitë në shumë qarqe të vendit. Është e rëndësishme që përballë kësaj situate serioze të gjitha institucionet përgjegjëse dhe pushteti lokal, të tregojnë përgjegjshmëri maksimale, për të mbrojtur jetën dhe pronën e çdo individi, si dhe për të marrë të gjitha masat e nevojshme për të përballuar dhe paraprirë emergjencat e ndryshme të orëve apo ditëve në vijim. Është e rëndësishme që popullata të ketë informacionin e nevojshëm në kohë reale për të përballuar si duhet çdo vështirësi, gjithmonë duke patur mbështetjen e institucioneve shtetërore”, shprehet Begaj.
Diskutime rreth kësaj post