Avokati i Arben Ahmetaj ka thënë për “News24” se ish-zv.kryeministri ndodhet në territorin shqiptar dhe se ditën e nesërme do të jetë i pranishëm në mbledhjen e Këshillit të Mandateve dhe Imuniteteve.
Kërkesa e Prokurorisë së Posaçme ka mbërritur në ambientet e Kuvendit në datën 7 korrik, ditën e premte, por është bërë publike sot.
SPAK i është drejtuar me një kërkesë zyrtare Kuvendit të Republikës së Shqipërisë, ku i kërkon autorizim për arrestimin e ish-zëvendëskryeministrit Arben Ahmetaj.
Kujtojmë se mbledhja e Këshillit për Rregulloren, Mandatet dhe Imunitetin do të zhvillohet më 11.07.2023, ora 16:00 në Kryesinë e Kuvendit.
Rendi i ditës do të jetë “shqyrtimi i kërkesës së Prokurorisë së Posaçme Kundër Korrupsionit dhe Krimit të Organizuar, për dhënien e autorizimi nga Kuvendi për arrestim/heqje e lirisë dhe ushtrimin e kontrollit personal/të banesës së deputetit të Kuvendit të Shqipërisë, Arben Ahmetaj”.
Ashtu siç cilësohej edhe në kërkesën e SPAK, mbledhja e Këshillit për Rregulloren, Mandatet dhe Imunitetin do të zhvillohet me dyer të mbyllura.
Ahmetaj është nën hetim nga Prokuroria e Posaçme në lidhje me çështjen e inceneratorëve.
Ai akuzohet për 3 vepra penale; korrupsion pasiv, pastrim parash dhe deklarim i rremë e fshehje pasurie.
Diskutime rreth kësaj post