Në testin e parë të vështirë në këtë sezon në La Liga, Barcelona nuk ka mundur të shkojë më shumë se një barazim 1-1 në transfertën e Atletico Madrid.
Ndonëse u fol gjatë se terreni “Wanda Metropolitana”, nuk është i favorshëm për lojën me shumë pasime të Barcelonës, katalanasit mbajtën kontrollin e topit për 70 % të kohës. Gjithsesi, e para që kaloi në avantazh ishte Atletico, që shënoi me anë të Niguez, në minutën e 21-të, të pjesës së parë.
Për minuta të tëra, të dy ekipet u munduan të shënojnë, por golin e gjeti Barcelona, me Suarez, në minutën e 82-të, i cili shfrytëzoi mjaft mirë një asist të Sergi Robertos.
Minutat e mbetura nuk mjaftuan për të parë një tjetër gol dhe dy ekipet ndanë nga 1 pikë.
Barcelona vijon të kryesojë kampionatin me 22 pikë, 5 më shumë se Real Madridi i vendit të dytë, ndërsa skuadra e Simeones qëndron në vendin e tretë me 16 pikë, po aq sa ka edhe Sevilla.
Diskutime rreth kësaj post