Juristi Romeo Kara përmes një postimi në rrjetet sociale ka bërë një panoramë të situatës në vendin tonë në 30 vitet e fundit.
Me ironi Kara shkruan se ‘kafshët me dy këmbë’ i trajtojnë si kafshë qytetarët e thjeshtë dhe pas çdo veprimi të tyre shohin vetëm interesat personale.
Postimi i plotë:
“Cfarë të thoshte Hygoi për sistemin tonë politik?
Nëse Hygoi do të ishte gjallë, patjetër që për sistemin prezent politiko-shoqëror shqiptar do të thoshte:
Ky sistem, njeriun normal e bën dështak, fytyrën njerëzore e përdhos, njeriut i jep tjetër pamje, aty ku Zoti ka vënë hijeshinë sistemi vë shëmtinë, aty ku Zoti ka vënë përsosmërinë sistemi vë trashaninë e cila për sytë e ideatorëve të sistemit është përsosmeria vetë.
Sistemi është realisht një përparim së prapthi, shembull i mahnitshëm ecjeje në regres, “kafshët” me dy këmbë ngrihen në pidestal, ndërsa qytetarëve të vërtetë iu rezervohet vetëm vendi dhe trajtimi i kafshëve, duke kryer deri në detaj poshtërimin e tyre.
Poshtërimi i tyre është i barabartë me gjymtimin dhe gjymtimi i vazhdueshëm ka cuar realisht në zhdukjen nga qarkullimi të dinjitetit si vlerë njerëzore.
Tek ky popull sistemi ka arritur t’a shuajë fare nga fytyra e tij figurën e Zotit, duke stimuluar vetëm perbindëshat shërbetore të sistemit.
Popullit të thjeshtë i lejohet vetëm të vuaje dhe të zbavitë oligarkinë politike.
Ky sistem ka mbretërit e tij, që sillen si të pagabueshem, edhe pse përdite bien në kundërshtim me vetveten.
Gjithsesi ata nuk mund t’i trazojë njeri, ata vazhdojnë të pëlqejnë vetëm punën e tyre, t’i japin gjithmonë të drejtë vetes dhe t’a shohin vetë ruajtjen e sistemit, si celësin e sigurisë së mbretërimit të tyre.
Ata nuk pushojnë së bleri dhe së shituri, sigurisht në radhë të parë interesat e popullit të sunduar prej tyre.
Asgjë nuk është mollë e ndaluar për ta.
Sistemi ua u siguron këtë të drejtë.
Ata jane sovrani i vërtetë dhe i vetëm, zgjidhja e cdo gjëje, fillimi dhe mbarimi i fatit të popullit të tyre.
Pikërisht kjo është fatkeqësia e këtij populli, të cilin sistemi po e mban peng prej 30 vitesh.” – shkruan Kara.
Diskutime rreth kësaj post