Astrit Patozi bën premtimin e madh dhe zbulon gabimin më të rëndë që ka bërë si politikan

Kreu i Bindjes Demokratike, Astrit Patozi zbuloi në studion e “Zgjedhje 2021” gabimin më të rëndë që ka bërë në jetën politike.

Votimi për ndryshimet kushtetutese në 2008 është gabimi që Patozi nuk e harron pasi sipas tij, me këtë vendim u dëmtua rëndë demokracia. Ai tha se për çdo gabim, kërkon edhe falje sepse reflekton.

“Moçal politik do të thotë që Shqipëria është në një lloj stanjacioni. Është në këtë moçal politick të paktën në 15 vitet e fundit. Unë kam qenë në pozicionin tim politik, jam nga politikanët e rrallë që kam mbajtur përgjegjësi dhe kam kërkuar edhe falje. Mbaj përgjegjësi për çdo ditë të jetës time politike. Gjatë kohës që kam qenë në nivele të larta politike, kanë ndodhur edhe gabime. Gabimi më i rëndë që kam bërë unë është votimi i ndryshimeve kushtetutuese të 2008. Mendoj që ndryshimet e 2008 i vunë vulën arbitraritetit sepse e rritën në mënyrë të frikshme rolin e kryeministrit. U përqendrua në mënyrë të frikshme pushteti, demokracia jonë u dëmtua rëndë dhe institucionet mezi mbahen në këmbë.”, – u shpreh Patozi.

Gjithashtu gjatë emisionit Patozi deklaroi se nëse nuk siguron asnjë deputet në garën e 25 prillit, do të tërhiqet nga politika.

“Bindja Demokratike do të vazhdojë rrugën, Astrit Patozi do të vijojë jetën. Nuk do të merrem më me politikë.”, – u shpreh ai.