Kreu i Kadastrës, Artan Lame, ka komentuar programin e Partisë Demokratike për pronat. Në një deklaratë për media, ai ka thënë se është marrëzi që të thuash se do anulosh ligjin 20/20.
“E pashë me vëmendje programin e PD, ku në një anë pata një kënaqësi të brendshme se pashë që nuk kishin asgjë të re, por nga ana tjetër, për arsye elektorale, pretendohet që të rrëzohet dhe anulohet ligji 20/20. Vetë kryetari Basha e tha hapur këtë gjë në prezantimin për reformën e pronës në PD, që pikë e tyre ishte anulimi i ligjit 20/20. Për fat të mirë këtë gjë nuk e tha ekspertja që foli pas tij, që është marrë me reformën, sepse e kuptonte ajo që është marrëzi ta thuash këtë gjë.
Aty u duk që brenda PD, kryetari me eksperten ishin në përplasje me njëri-tjetrin, në atë që propozonin. PD pretendon që do vazhdojë kthimin fizik të pronave të ish-pronarëve.
Kjo është gënjeshtra më e madhe që mund t’iu hidhet shqiptarëve dhe ish-pronarëve. Nuk mund të bëhet kthim fizik më, për arsyen e thjeshtë se Shqipëria është 28 mijë km2 dhe kjo 200 mijë km2”, – u shpreh Lame.
Diskutime rreth kësaj post